يأتي رمضان ونفتكر ربنا والصلاة والقران وغض البصر وصلاة القيام وكل الحسنات
اللي كان مش بيصلي أصبح بيصلي الفجر
اللي بيعرف واحدة بيقولها" معلش مش هنتكلم في رمضان رمضان ده شهر عبادة ولازم نقرب لربنا"
وهي كمان
الغني اللي مش بيتصدق هيتصدق ويفتكر الفقراء
والتراويح بنصليها مع أنها هي صلاة القيام في باقي الشهور
انتهي رمضان ...
أين المصلون؟
إلي أين ذهبوا ؟
أين الكم الهائل من المصلين في العشاء والفجر؟
كل سيئة كنا بعيد عنها هنعملها
خلاص انتهي شهر العبادة والقرب من ربنا
منعرفش ان رب رمضان هو رب كل الشهور وهو نفسه هيحاسبنا ع اللي عملناه في رمضان وفي باقي الشهور
"رمضان شهر عبادة" صحيح
و "شهررمضان ربنا كرمه في القران وفضله علي كثير من الشهور" صحيح
لكن ربنا أمرنا بالعبادة في كل الشهور وليس في رمضان فقط
لماذا نتذكره في رمضان وننساه بعد ان ينتهي رمضان؟
أتمني أن نكون عباد لله في كل الشهور وليس في وقت مخصص
لا مانع من زيادة العبادة في رمضان ولكن لا نخصصه بالعبادة
قال (سبحانه وتعالي):
"وما خلقت الجن والإنس إلا ليعبدون"
لم يقل إلا يعبدون في رمضان
أرجو أن نعود إلي الله ونتوب إليه ونطلب منه المغفرة علي التقصير منا في عبادته وندعوه أن يمدنا بمزيد من الطاعة والتقرب إليه.
الجمعة أكتوبر 05, 2007 8:32 am
