البنت باتعه ( هامه جدا )

بسم الله الرحمن الرحيم
هو القصه طويله شويه لكن معلش استحملنى واقراها للنهايه وانا هعرف اللى قراها للاخر ولا لا واللى يرد عليا هيعرف انا كنت بتكلم عن ايه ومين وعاوز ردك !

البنت باتعه بنت زيد عبد الصبور اللى امها يوم عرسها كان عفشها حله وبابور وكان معاه صندوق خشب كان اصله سحاره صبون فيها بنستين والمكحله والفلايه والملقاط وحجر وليفه ومبخره وعلبه كان فيها البخار

وجوز صحون والطشط والقروانه والغربال ومقشه ليف وزير وزلعه وقولتين ومجور وحصيره من سوق التلات والحاف منجداه باديها ومخدتين والوش كان ضموه

والانفتاح على رأى صحبي والامبطاح وفتحنا مصر سداح مداح والعرض اصبح مستباح ونسينا حيا على الفلاح اتلخبطت كل الامور وقيم كتييير وعادات كتير اتغيرت من ضمنها غلو النفوس

البنت دى بنت زيد عبد الصبور مش عاجبه حد فى مشيها , ايكمنها مشيت طريقها لوحدها والاسره غابت عنها ومشغوله عنها بعبئها وايكمنها مستهدفه الاجنبى ومعاه الغبى فكرلها قال
1/ ترفض معيشه اهلها 2/ ترفض اوامر ربها 3/ ترمى الحياه والانتماء ورا ضهرها 4/ تقطع جدورها بنفسهااو عزلها
ازاى تعرض لحمها وتبين مفاتن جسمها من ضفرها لاعلى شعره فى شعرها , عملت صلات تعرض موضات والاعلانات مليا الشاشات بالتسريحات والشامبوهات
وحاجات كتير فرحت بها , تاهت ونسيت نفسها وتكلمك ربع الكلام بالاجنبى وتقول
هالو (hello ) بنت ام باتعه بتقول هالو
ميرسى (marsy ) يا شوشو وثان كيو ( thank you )
و ( came ) يا توتو ويلا ( GO )
وبكره بينا ( rand vou ) راندفو
وكبار شيوخ المسلمين معرفش ليه متلجمين والمسؤلين فتحوا الببان على وسعها ام قال سلامه المها يمكن تغير فكرها وتعيش حياتها بحلوها ومرها راح لامها !!
يخطبها منها وقلها بسراحه يا ام باتعه بنتك عاوزه حد يلمها وانا قدها !
قالت ومالو البنت يلزمها الجواز ! شخشخ جيوبك يلا واشترى يلا الجهاز ,قال اطلبى !! قالت تجهز شقه قد اربع اوض , احسن نابوليا وتجيبها من دمياط, وتجيب نجف من غير عدد والمكنسه بشفاط , والدش قبل الدوش والفديو والبوتجاز, وتجبلها تلاجه 16 قدم وتجبلها قبل الجواز الفرو والمحمول وتجبلها غساله فو ( انا قصدى فول تماتيكى ) شقتها كامله زى اى بوتيك وتجبلها قبل الجواز الشبكه انا هقول دهب مش الماس وتجبلها فستان زفاف من غير كتاف من غير كمام علشان يبين سدرها وتبان مفاتن جسمها وتجيب غوازى تزفها واللى اسمه ايه شهر العسل فى الشرم ولا الغردقه وبلاش امور البعـزقـه, ان كنت قادر مهرها قربلها انا مش هميل بختها !
قال يا ام باتعه هجيب منين , لا انا راجل مرتشى ولا احب اجيب بالدين ولا ارضى بالقسط الطاق بيبقى طاقين ويكتبونى شيكات او امضى على وصولات على انها امنات وحكايه مش هيا , لو بس فات شهرين مدفعتلوش قسطين بدل المحامى اتنين وهيجبله رفض الشيك ومصيبه وقضيه ومش هقولك على القرف وحاجات مخله بالشرف , اما البوليس والمحكمه هبقى فى نظرهم منحرف وبكسر القوانين .
شوفى يا ام باتعه انا عندى شقه محندقه معقوله ماهش ديقه فيها يدوب اوطين وعملت جمعيه مع ناس اماره زيكوا وقبضتها الفين وادى اللى عندى وقلتلك بسراحه وبأذن واحد احد ربك هيفرجها وباتعه هتريحك وتعيش مرتاحه!!
قالتلو قوم من هنا قوم فضها سيره انا احترمتك علشان الاهل والجيره بتقولى الفين جنيه !! الفين جنيه دول ايه ؟ وانا اللى بفتكر باتعه هتاخد بيه حافظ على كلمتك يا اهبل وخليك زوق دى باتعه دايما تبص لفوق الاحمر والاخضر واش محذق وبنطلونات والشعر فوق كتفها سايح وفى الكوفير مش كل طير بندبح, خد دش وانت تفوق , وافرضنا انت اللى عاقل واللى بيقرا الموضوع مجنون الفين جنيه للغوازى ولا للمأذون ! مبتسمعوش الرداوى ولا التلفزيونات شفت اللى بيقدموا الحاج متـوالى
الشقه بالعفش كامله وفلوس كتير فى البنك لعرستو وغير اللبس والمصريف شيفاه بعينى ولا حد قالى , كل المسلسل تبعته دقيقه بدقيقه والحاج متوالى الاهى ما يشوف ضيقه راجل صحيح مقتدر كل البنات عوزاه , وبنتى باتعه الاهى يكون نصيبها معاه وجى تقولى الشباب !
قال يا ام باتعه اسمعينى كل ده تمثيل , قالتلو ده كلام قصر ديل وبلاش كلام فاضى الشعب راضى مفيش غيرك عملى تقيل , متكنش ماهر واسم ابوك عطار والشاى على النار و قاعد على الرمله والحلوه تيجى تلاقيك فارشلها المنديل على الرمله !!
قال يا ام باتعه دى ناس بتوع الاوهام وانا مش بلوم على جهلهم, اللوم على الاعلام
قالت خلاصه الكلام ! انا بنتى حلوه مثقفه حافظه الاغانى كلها احث شرايط عندها,
ده لما تلبس بنطلونها الجنز كل الشباب تجرى وتطلب ودها ونانسى عجرم نفسها متجيش خصله فى شعرها ولا تيجى ضفر فى رجلها , طب والنبى لو شافها واحد اجنبى يليملها كل اللى نفسها فيه , انا بنتى عاوزه واحد كسيب ابوه فى حزب اسمو ايه ويكون من المحسيب او من بتوع الكوره ويكون لعيب الجون بمليون جنيه ويغيظ بودى الديب !! قال يا ام باتعه مفيش بيوت تتبنى بالفن والكوره , عاوزين نعيش يا ام باتعه زى خلق الله نحمى الشباب من الفتن , قالتلو قوم يا ابن زاهيه يا ابن ام عين عوره عمال تلقح كلام هو انت من دول؟ قوم فز غور من هنا قوم فز متحبسناش بتجيب فى سيره اسمه ايه والفجر لسه مجاش , فاكر فى يوم اسم ايه يوم احتفال اسمه ايه ساعة ما مات اسم ايه وجهه بداله اسم ايه عمل قانون اسم ايه يقطع لسان اسمه ايه لو جاب فى سيره اسمه ايه عقبال سلامه ابن ايه يحطه فى اللى اسمه ايه يقعد سنين منحال فكرك تحوش اسمه ايه هو اسمه ايه يتحاش!!
قال يا ام باتعه انتى قصدك تخلى اسمه ايه يحبسنى فى اللى اسمها ايه من غير محاكمه اسمها ايه اقعد سنين متحال وانا جبت سيره اسمه ايه وفرضنا قلت اسمه ايه
مهو برضوا مغلطناش ..
قالت خلص الكلام انتو فاكرينى مكتب شؤن هديكو بنتى ببلاش قوم فز وفضها سيرهواوعاك تقرب من البيت تانى لو عندك دم بصحيح

وفى الاخر البنت باتعه شكلها زى قعر الحله السوده هههه
ربنا يسترها على الشباب والبنات
الا اله الا الله محمد رسول الله
اخوكم بودى

ههههههههههههههههههههههههههههههههههههههههههههههههههههههههههههه ..

يخرب عقلك يا بودى مكنتش اعرف انك هتقول القصه دى هنا ..