صباح الدلع على دستورك يا مصــر

صباح الدلع على دستورك يا مصر

اولا نقول السلام عليكم ورحمه الله وبركاته

ايه رأيكو نفصص الدستور حته حته ولا ناخد من شويه حاجات بسيطه كده

خليها حتت بسيطه علشان انتو حبايبى ومش عاوز ارخم عليكو لحسن انا فى الحاجات دى انا رخم شويه

المهم ندخل فى دستور المواطنه قالك ايه فى المواطنه بقى قال ان المسلم والمسحيى زى بعض دلوقتى يعنى انت وهو وااحد

يعنى للمسيحى حق الترشيح فى كل حاجه دلوقتى بعد ما كان بينزلو واحد بالعافيه وسط خمسين مرشح مسلم وربنا يعوض علينا

وكمان مدام انت ليك الحق انك تبنى جامع يبقى هو ليه الحق انه يبنى كنيسه بعد ما كان الواحد بيبنى كنيسه بضرب الجزم مع احترامى ليكو طبعا ومش لازم نشرح بالتفصيل يعنى المفيد خلاص اوكـ يت جدعااان ، فل اوى ،

تانى حاجه قانون الارهاب واخطر قانون لحد الان بيقول ايه ده بقى ، بيقول ومن الاخر وبالعاميه يعنى الامين الشرطه لو شافك فى الشارع وماشى مشيه مش مظبوطه ليه الحق انه يمسكك ويقعدك 6 ايام فى الحبس لحد ما يعرف انت مين وابن مين واصلك ايه ربنا يسترها واواعى تمشى فى الشارع بتتسكع مع احترامى ليك بردو ض2 لحسن تروح ورا الشمس على طول ، وكمان اى ناشط سياسي زى حلاتى وزى مانو كده وساره لو شافوك هتتكلم فى السياسه فى الشارع ليه الحق انه يمسكك ( حبيبي يا مبارك ض6 )سورى اصل الحياه صعبه اليومين دول ض2

تالت حاجه وربنا يسترها عليكى يا بلدى القضاء قالك يا عمونا ان اللى يشرف دلوقتى على الانتخابات الموظفين مش القضاه يعنى صباح الكوسه وهتغلى كمان يومين احلق اشترى كيلو قبل ما مش تشترى خاالص وكمان اى واحد مخنوق منك او من اهلك ويكون حتت مخبر معفــ،ــن ( معلش يا تيتو استحملنى ) يروح بيتك ويفتشه ويجرك من قفاك للمركز من غير أذن من النيابه ( انا هرووح احول من حقوق يا عمونا ض7 ) لحسن بقيت كوسه بجد والحمد لله انا مش بحب الكوسه ض2

رايع حاجه ممنوع تكوين اى حزب سياسى دينى والمصيبه الكبرى ان بلدنا محتاجه اساسا حزب دينى بس مش من النوع التاانى (+) لاء من النوع بتاعنا اللى هو المسلمين احباب الله ض2 وكمان وربنا لو اتعمل حزب دينى سياسي مشترك بين النصرى والمسلمين والله هيبقى فى تقدم فى مصر وهيبقى فى حب بين المسلمين والنصرى وعلى رأى البابا شنوده قال ( لو مصر اتحكمت بالاسلام والله حالها هينصلح ) مش كلامى وربنا ده كلام البابا شنوده وانا مسؤل عن الجمله دى ؟؟؟؟؟؟

كفايه كده ولا نكمل ، نكمل علشان نشوف خيبه مصر ومعلش استحملنى انا ااسف !!!

وكمان الهدف من التعديلات الدستورية، مش علشان لإجراء تعديلات حقيقية بس على شان يسيطر على الحيااه السياسيه فى مصر، ومش يبقى فى الاشراف القضائي علي الانتخابات، والتوسع في انتهاك الحريات الشخصية.والتعديل الدستورى بصورتها الحالية تستهدف إلغاء المواد الجيدة الموجودة في دستور ،، 71 والمتعلقة بالحريات الشخصية، بزعم اصدار قانون دائم للارهاب

بس انا هوريكو كلام خالى ( محمد سعد الكتانى وهو بيتكلم عن التعديلات الدستوريه ازاى

قال انه مع موقف حزب الوفد الجميل انه فعلا التعديلات الدستوريه انتهاك لحرمه المواطن المصرى شوف بقى خالى قال ايه ؟؟؟؟!!

الدكتور سعد الكتاتني رئيس الكتلة البرلمانية لنواب الاخوان المسلمين بمجلس الشعب أكد تأييده الكامل لموقف حزب الوفد الذي أعلنه محمود أباظة رئيس الوفد برفضه تعديلات المادتين »88 و179« فموقف رئيس الوفد يتسم بالقوة والشجاعة وعلي مستوي أهمية الحدث. وأضاف: التعديلات الدستورية لابد أن تخرج معبرة عن توافق كل القوي السياسية وليس بأغلبية أعضاء مجلس الشعب.
كما ان لجنة الصياغة لم تمثل كل الاتجاهات السياسية وبالتالي فإن رفض الوفد للتعديل المشبوه للمادة »88« نابع من خوفه من عدم تحقيق انتخابات نزيهة تعكس إرادة الناخبين وانشاء لجنة عليا للاشراف علي الانتخابات، وعدم تمكين القضاة من الاشراف الكامل علي العملية الانتخابية يفتح الباب أمام التزوير.
وأكد الدكتور سعد الكتاتني ان الصياغة الملائمة هي قاض لكل صندوق، وهو ما أكدته المحكمة الدستورية في حكمها الصادر عام 2000.
وأشار الي أن أية صياغة أخري في هذا الصدد تعتبر تراجعاً عن حق مكتسب للشعب ويمثل التفافاً عليه من أجل التزوير.
وأكد ان تعديل المادة »179« يمثل اعتداء صارخاً علي الحريات التي كفلها الدستور في المواد »،41 ،44 45« وأن هذا التعديل من أجل مكافحة الارهاب يعصف بهذه المواد التي تكفل الحرية ويخلق ديمومة للطوارئ وتصنيفها داخل الدستور ودسترة الطوارئ.

مش بقولكو مصر خربت يا جدعااان

ربنا يسترها علينا بجد وعلى الجيل اللى جى فى السكه وبسراحه انا تعبت من الكتابه وشكلى هخرف وأنا جعان ومش فطرت لكن كل اللى عاوزك تعرفه ان مصر بتتخرب من تحت رجلينا وخيرها بيتسرق من بين ادينا ( حميها حرميها ض2 ) وعلى العموم

بحبك يا بلدى وانا ليا من غيرك يا بلدى

وربنا يسترها على عمر الحفناوى ابن عمـى لحسن من ورا الموضوع ده هيتشد على المعتقل على طول ص2

احفظ مصر يارب كما تحفظ عبادك الصالحين فى الجنه ( اللهم امين امين امين )

اخوكم بودى

اخويا وحبيبي تيتو

الف الف ثالف شكر على مرورك وردك الجميل لموضوعى

تسلم اديك يا صحبي

اخوك بودى

جنرال الحرب العالميه التالته